سـ ـهـ ـران و يـ ـ ـاك

مرحـ ـبـ ـا بـ ـكـ ـم في مـنـتـد يـات سـ ـهـ ـران الشبابية welcome to sahran
 
الرئيسيةالتسجيلدخول

شاطر | 
 

 ازيكوا ياشباب وحشتوني ووحشتني ضحكتكوا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
malk
عضو فعال
عضو فعال
avatar

عدد الرسائل : 231
العمر : 25
تاريخ التسجيل : 22/05/2008

مُساهمةموضوع: ازيكوا ياشباب وحشتوني ووحشتني ضحكتكوا   الجمعة يناير 16, 2009 12:25 am

Very Happy نكت مصرية Very Happy




واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين


شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي؟

مرة واحد اطرش وقف سواق تا؟؟؟ي اطرش برده وقاله مصر الجديدة ؟
رد السواق وقال لا والله انا رايح مصر الجديدة
رد الراجل وقال معلش انا كنت فاكراك رايح مصر الجديدة


واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .


مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .


مرة واحد بلديتنا راح يشترى قفل فالبيّاع جابلوا قفل كبير فقاله بلديتنا يا بووووى !!

قاك جايبلوا قفل صغير فقال بلديتنا يا خوووووى


مره دكتور عظام مشى بليل الكلاب طلعت تجرى وراه


واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".

و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ ؟؟؟الة و تسمم الناس؟".

الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"


يقولك فيه حرامي دخل بيت عشان يسرق
وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه
وراحت تنادي ولدها: محمد انده ابوك من على القهوه
الحرامي قاله بسرعه يامحمد وحياة والدك بسرعة


مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه


ثلاثة مجانين طالعين فوق الشجرة ، جالهم الطبيب النفساني وقالهم انزلوا من فوق الشجرة
نزلوا اثنين وبقا واحد قاله انته ياللي فوق مانزلتش ليه ؟
صحبابه المجانين قال لو : سيبوا ، ده ليسة ماستواش



ابو العربي راح ع القهوة
قال لهم مش تباركوا لي مش انا خطبت البت سعااااااااااد
واحدرد علية وقال له يا راجل سيبك منها دي ماشية مع نص شباب بورسعيد
ابو العربي قال له يا راجل وهيا بورسعيد كلها أد ايه.....

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shemo*Golyana
عضو فعال
عضو فعال
avatar

عدد الرسائل : 131
العمر : 27
تاريخ التسجيل : 12/06/2008

مُساهمةموضوع: رد: ازيكوا ياشباب وحشتوني ووحشتني ضحكتكوا   الجمعة يناير 23, 2009 6:25 pm

ازيك انت ياملك انت الى وحشتنا
نورت والنكت زى العسل

_________________
دور على الى يصونك وخلى بالك من نفسك وزى ماكنت بصونك حاول حبيبى تصون نفسك

DON,T LEAVE ME ALOOONE

طول عمرى جمبك برده مش فاهمك طبعك غريب يوم تبقى معايا يوم تنسى هوايا أمرك عجيب مالكش غالى كفايه كده بقى سبنى فى حالى شوفت انا منك ياما جرالى طب ايه اخرتها معاك انا فيا الى مكفينى مره بايعنى ومره شارينى لو كنت حبيبى ناسينى انا قادر برده أنساك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازيكوا ياشباب وحشتوني ووحشتني ضحكتكوا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سـ ـهـ ـران و يـ ـ ـاك :: طنــ ــش عيــ ــش تاكــ ــل قراقيــ ــش :: نكت وطرائف-
انتقل الى: